Meghan Markle thuhet se ka vendosur kushte për divorcin e saj nga Princ Harry. Shkak për këto spekulime divorci ishte udhëtimi i Princit Harry në Japoni së bashku me mikun e tij Nacho Figueras, gjatë të cilit Meghan mbeti në shtëpi. Shkëndija fillestare e telasheve midis Meghan Markle dhe Princit Harry erdhi me vendimin e Harry-t për t’u larguar nga përgjegjësitë e tij mbretërore, duke krijuar kështu një ndarje midis tij dhe familjes mbretërore në Mbretërinë e Bashkuar.

Duka dhe Dukesha e Sussex zgjodhën të transmetonin ankesat e tyre kundër Familjes Mbretërore në një dokumentar të Netflix. Sipas disa ekspertëve të familjes mbretërore, ka pretendime se Meghan Markle i ka vendosur disa kushte Princit Harry në lidhje me divorcin e tyre të mundshëm.

Këto kushte përfshijnë një shumë të konsiderueshme, siç thuhet jo më pak se 80 milionë dollarë, si dhe kujdestarinë ekskluzive të dy fëmijëve të tyre, Archie dhe Lilibet. Ndërkaq, Meghan duhet të ruajë titullin e saj fisnik të Dukeshës së Sussex-it në mënyrë që të pranojë kërkesën e Harry -t për divorc.

Javët e fundit janë parë gjithashtu raporte që sugjerojnë se Mbreti Charles III dhe Princi Harry kanë arritur të pajtohen. Rikujtojmë, se thashethemet që lidhin Meghan Markle me një rikthim në aktrim vazhdojnë të qarkullojnë, kryesisht për shkak të suksesit të papritur të ‘Suits’ në Netflix.