Kim Kardashian ka bërë paraqitjen e saj të re në posterin e ri të “American Horror Story: Delicante Part One”. Themeluesja e “SKIMS”, 42 vjeçe, i ngjante një personazhi në një film me superheronj me një paruke të gjatë ngjyrë bionde platini, grim dramatik, drithërues dhe lente të frikshme.

Gjithashtu ajo kishte një merimangë të zezë gjigante të ngjitur në pjesën e përparme të gjoksit të saj me këmbët e mbështjella rreth trupit të yllit. Sezoni i 13-të i serialit të antologjisë të zhanrit horror të FX do të shfaqet premierë më 20 shtator.

“AHS: Delicate” është përshtatur nga romani horror “Delicate Condition” nga Danielle Valentine. Ai ndjek historinë e Anna, një aktore e cila ka pasur trajtime të shumta IVF dhe fillon të bëhet paranojake që forcat misterioze po e pengojnë atë të mbetet shtatzënë, por askush, përfshirë bashkëshortin e saj, nuk e beson atë.

Ajo në fund mbetet shtatzënë por dështon. Megjithatë, përkundër asaj që i thanë mjekët, ajo ende mund ta ndjejë fëmijën e saj duke u rritur dhe trupi i saj tregon shenja shtatzënie. Autorja u shpreh për mediat duke thënë:

Është në thelb një roman horror për shtatzëninë. Është një roman që eksploron jo vetëm tmerrin aktual fizik të asaj që është shtatzënia, teksa gratë po e kalojnë dhe, simptomat që unë mendoj se ne si kulturë ende nuk i flasim për arsye të çuditshme.

Autorja shtoi se ishte më shumë e frymëzuar nga Alien sesa nga “Rosemary’s Baby” kur shkruante librin. Ylli i “Keeping Up With the Kardashians” do të luajë personazhin Siobhan Walsh, së bashku me Emma Roberts si Anna Alcott dhe Cara Delevingne si Ivory.

Kim Kardashian ka qenë së fundmi në një koncert të Drake, por nuk arriti të merrte as edhe një përshëndetje nga ana e tij. Ajo ishte e pranishme në koncertin e yllit të famshëm, ndërsa po qëndronte anash, në një pjesë te shkallët.

Reperi në një moment ishte shumë pranë themelueses së “Skims”, teksa dukej sikur nuk e pa fare. Ndërkohë që Drake afrohej më shumë, Kim i dha atij një buzëqeshje të madhe. Në pamjet që qarkulluan në internet, 36 vjeçari nuk dha ndonjë shenjë që t’ia ketë kthyer asaj.