Nënat mund t’i bëjnë foshnjat e tyre më të zgjuara duke bërë disa ndërrime të thjeshta diete gjatë shtatzënisë, sipas një studimi të ri. Një dietë mesdhetare që është e pasur me ushqime si vaji i ullirit dhe arrat mund të jetë një mënyrë e lehtë për të rritur zgjuarsinë e të vegjëlve, thonë shkencëtarët.

Studimi, i bazuar në 626 foshnja dhe nënat e tyre në Spanjë, u përshkrua si “interesant”. Por ekspertët paralajmëruan se ka një sërë paralajmërimesh dhe është e rëndësishme që nënat e ardhshme të hanë shëndetshëm.  Pjesëmarrësit u ndanë në tre grupe – atyre ose iu caktua ‘kujdesi i zakonshëm’, u tha të ndiqnin një dietë mesdhetare ose të shkonin në klasa për reduktimin e stresit të bazuar në ndërgjegjësimin.

Atyre që mbanin dietë mesdhetare, të cilësuar shpesh si “më të shëndetshmen në botë”, iu dhanë falas vaj ulliri ekstra të virgjër dhe arra. Përveç yndyrave të shëndetshme, dieta fokusohet në fruta dhe perime, drithëra, bishtajore dhe një sasi të ulët të qumështit dhe mishit të kuq.

Kur foshnjat lindën dhe kur ishin dy vjeç, studiuesit përdorën një test që mat pesë fusha të zhvillimit tek foshnjat: zhvillimi njohës, gjuhësor, motorik, adaptiv dhe zhvillimi social-emocional.  Gjetjet, të publikuara sot në revistën JAMA Network, tregojnë se nënat që ndoqën dietën mesdhetare kishin fëmijë me “pika dukshëm më të larta” në dy fusha – mirëqenien njohëse dhe social-emocionale – krahasuar me ato që merrnin kujdes të zakonshëm.