Britney Spears ka fituar rreth 15 milionë dollarë nga kontrata e saj e librit, por ish-bashkëshorti i saj, Sam Asghari, nuk do të marrë asnjë qindarkë. Ylli i popit, e cila ka rrëfyer se ishte “pak e tronditur” nga ndarja e tyre, do të publikojë librin e saj të kujtimeve “The Woman in Me” më 24 tetor.

Por Asghari nuk do të jetë të përfitojë asgjë nga libri, edhe nëse Spears flet hapur për atë që çoi në ndarjen e tyre. Mes raportimeve se Asghari nënshkroi një marrëveshje që do t’i paguante atij një milion dollarë për çdo vit martese në rast të një ndarjeje, një burim i njohur tha:

Britney dhe Sam kanë një kontratë para martesore. Ai në thelb nuk merr asgjë, nuk ka miliona, dhe sigurisht që nuk do të përfitojë nga libri i Britney-t, ky është libri i saj.

Spears shpenzoi një pasuri në avionë privatë dhe pushime luksoze për Asghari, i cili shpesh e linte atë vetëm për muaj të tërë. Zbulimi se të ardhurat nga libri i Spears nuk do të ndahen me Asghari vjen pas vitesh pyetjesh mbi financat e saj. Pas katapultimit në famë në vitet 1990, Spears ishte një nga fitueset më të larta të industrisë muzikore nga shitjet e muzikës dhe turnetë.

Sam Asghari ka gjetur një vend të ri për të jetuar mes ndarjes nga ylli i muzikës pop, Britney Spears. Trajneri i fitnesit thuhet se është zhvendosur në ndërtesën e shtrenjtë ‘Ten Thousand’ në Los Angeles, në kufirin e Beverly Hills dhe Century City. Ndërtesa me 283 apartamente, 40-katëshe, ku qiratë variojnë nga 10 mijë deri në 65 mijë dollarë në muaj, përfshin pajisje të tilla si një bar i madh, një park privat prej një hektari, një pishinë me pamje dhe mjekë për të administruar shërbime të ndryshme. Në të njëjtën ndërtesë raportohet se jeton edhe Demi Lovato e avokati Michael Avenatti.