Është tepër e vështirë të ndjekësh ritmin e Britney Spears me postimet e saj në rrjetet sociale. Një moment ajo mund të shfaqet tepër energjike dhe tjetrën, sensuale apo edhe e trishtuar. Me divorcin e saj nga Sam Asghari dhe problemet e vazhdueshme me të cilat ajo po përballet, shumë fansa janë të shqetësuar për këngëtaren dhe nëse ky episod i vështirë mund të ketë një ndikim tek ajo dhe jeta e saj. 

Megjithatë, Spears vazhdon të postojë video në faqen e saj në Instagram, shpesh duke vënë në pah lëvizjet e saj thjesht të pabesueshme të kërcimit, megjithatë ajo së fundmi ka treguar diçka që nuk ishte parë më parë. Fokusi i videos ishte në tatuazhin e saj të fundit, i cili shfaqte një gjarpër që ndodhej poshtë shtyllës kurrizore dhe drejt fundit të shpinës. Megjithatë, në shumë kultura, gjarpri është një simbol i pjellorisë dhe forcës krijuese të jetës. Aftësia e një gjarpri për të hequr lëkurën e vet do të thotë se ai mund të interpretohet si një simbol i rilindjes, ndryshimit, transformimit ose shërimit.

 

View this post on Instagram

 

A post shared by Maria River Red (@britneyspears)

Spears më pas vazhdoi të kërcejë para kamerës, duke buzëqeshur, teksa ka vendosur thjesht një emoji me gjarpër në mbishkrimin e videos. Rikujtojmë gjithashtu se vetë artistja ka reaguar edhe në lidhje me divorcin e saj duke thënë:

Siç e dinë të gjithë, unë dhe Sam nuk jemi më bashkë. Gjashtë vjet, është një kohë e gjatë për të qenë me dikë, kështu që jam pak e tronditur. Nuk jam këtu për të shpjeguar pse, sepse sinqerisht nuk është punë e askujt! Por, sinqerisht nuk e durova dot më dhimbjen. Në një farë mënyre telepatike kam marrë kaq shumë mesazhe që më ngrohin zemrën nga miqtë dhe ju falënderoj! Unë e kam mbajtur fort veten për një kohë të gjatë dhe Instagrami im mund të duket i përsosur, por është larg realitetit dhe mendoj se të gjithë e dimë këtë! Do të doja të tregoja emocionet dhe lotët e mi se si ndihem vërtet, por disa arsye më është dashur gjithmonë të fsheh dobësitë e mia! Nëse nuk do të isha luftëtarja e fortë e babait tim, do të më dërgonin në vende për t’u ‘rregulluar’ nga mjekët! Por kjo ishte kur kisha më shumë nevojë për familjen! Ju supozohet të dashuroheni pa kushte… jo me kushte! Kështu që unë do të jem aq e fortë sa mundem dhe do të bëj më të mirën! Dhe në të vërtetë po veproj shumë mirë! Gjithsesi kalofshi një ditë të mbarë dhe mos harroni të buzëqeshni.