Fatkeqësisht është ndarë nga jeta në moshën 87-vjeçare filozofi italian Gianni Vattimo. Lajmi është bërë i ditur në një postim në Facebook nga Simone Caminada, asistent dhe shoqërues i filozofit të ndjerë prej 14 vitesh. Vattimo ishte i njohur për zhvillimin e konceptit të “mendimit të dobët” si një kritikë e metafizikës tradicionale. Ai ishte gjithashtu një parlamentar evropian.

Vattimo mund të konsiderohet si studiuesi më i madh i mendimit të Martin Heidegger-it, pasi ka pasur mësues si Hans Georg Gadamer. Gjithmonë është përpjekur t’i bëjë teoritë e tij të aksesueshme edhe për publikun më pak të kulturuar, me shkrim shumë të thjeshtë dhe të qartë. Ai e deklaroi veten komunist porjo në kuptimin e vjetër marksist dhe ishte shumë fetar.

Ai e përkufizoi veten si “homoseksual dhe i krishterë” dhe konsiderohej një pararendës i çështjeve LGBT. Gianni ishte gjithashtu anëtar i Parlamentit Evropian për dy legjislatura, fillimisht me demokratët e majtë në 1999 dhe më pas me Italia dei Valori të Di Pietro-s në 2009 dhe kontribuoi në përhapjen e filozofisë duke drejtuar programe televizive në TV.