Qeveria britanike po planifikon masa jashtëzakonisht të rrepta kundër cigareve, duke ndaluar efektivisht shitjen e tyre për brezat e rinj. Masat, të cilat janë ende në shqyrtim, janë pjesë e një përpjekjeje të qeverisë së Rishi Sunak për t’u fokusuar te konsumatorët përpara zgjedhjeve të vitit 2024. Një zëdhënës i qeverisë tha për Guardian se qëllimi është që sa më shumë njerëz që të jetë e mundur të largojnë zakonin e dëmshëm deri në vitin 2030.

Përveç kësaj, sipas planit, 1 milion cigare elektronike do të jepen falas, si dhe stimuj të tjerë për ta lënë duhanin. Me këto masa do të ndalohet efektivisht shitja e cigareve për personat që kanë lindur pas vitit 2009, ndërkohë që sasia e duhanit në produktet e tjera të duhanit është ulur dhe ato do të shiten vetëm nga dyqane speciale dhe jo supermarkete dhe minimarkete.

Ndërkaq, çdo minutë 10 milionë duhanpirës ndezin një cigare dhe 15 njerëz vdesin nga duhani. Nga 8 miliardë njerëz në Tokë, rreth 1 miliard janë duhanpirës, sipas Organizatës Botërore të Shëndetësisë dhe The Tobacco Atlas. Më shumë se 5,000 miliardë cigare konsumohen çdo vit. Numri i duhanpirësve është në rënie prej disa vitesh falë masave kundër duhanit të miratuara nga shtetet, si rritja e taksave dhe shfaqja e cigareve elektronike.