Premeria e filmit “Në Kuadër të Dashurisë” do të zhvillohet më 9 Nëntor në Pallatin e Kongreseve, ndërsa ditën e djeshme është publikuar edhe traileri i filmit.

Detaje të tjera ka dhënë edhe vetë regjisori Koloreto Çukali, teksa ishte i ftuar në një intervistë për “Ftesë në 5”.

I pyetur për dyshen protagoniste Olta-Luiz, Koloreto tha se janë treguar shume profesionistë dhe mes tyre ka pasur kimi në film.

“Janë të dy shumë të vërtetë në rolet që luajnë. Janë partnerë shumë të mirë ndihmojnë jo vetëm veten, por edhe partnerin. Ka qenë shumë komode dhe s’di të ketë probleme nga ato që publiku tifoz mund të presin dhe te komentojë. Mendoj që ka ardhur koha që edhe për publikun e tifozerisë të kalojë ne nivel tjetër.” tha ndër të tjera ai.