Georgina Rodriguez u dha së fundmi fansave një paraqitje të shkurtër të stilit të jetës luksoze të saj dhe të Cristiano Ronaldos me disa foto.

29-vjeçarja ndau me miliona ndjekësit në “Instagram” një sërë fotografish nga udhëtimi i saj i fundit në Paris. Bukuroshja me origjinë argjentinase duket mjaft e relaksuar, ndonëse bashkëshorti i saj vijon punën në Arabinë Saudite.

Në një prej pozave në fjalë, Georgina zbuloi këmbët e saj të gjata, teksa pozoi me një fustan të shkurtër ulur në një sedilje, e veshur me çizme dhe nuanca të zeza deri te gjuri.

Te seti i dytë kemi një pamje nga afër të një çante të vogël ngjyrë vjollcë dhe një dore, e cila kishte një unazë të madhe diamanti në të, shoqëruar me një mori bizhuteri të tjera të shtrenjta.

Georgina Rodriguez dha edhe një paraqitje të shkurtër të stilit të jetesës së çiftit në jetset duke shpërndarë një foto të realizuar brenda avionit privat të Cristiano Ronaldos, i cili vlerësohet të jetë 24 milionë dollarë. Në këtë foto, ajo është mbështetur në një nga karriget e pasura me krem, duke shfaqur edhe një herë stilin e saj të veçantë dhe këmbët e lakmueshme.