Fatkeqësisht ka ndërruar jetë në moshën 77-vjeçare skenaristi dhe regjisori britanik Terence Davies. Davies, i cili drejtoi filma duke përfshirë Distant Voices, Still Lives (1988), The House of Mirth (2000) dhe The Deep Blue Sea (2011), vdiq në shtëpinë e tij si pasojë e një sëmundjeje.

“Me pikëllim të thellë njoftojmë vdekjen e Terence Davies, i cili vdiq i qetë në shtëpi pas një sëmundjeje sot më 7 tetor 2023”, thuhej në deklaratë. Davies ka lindur më 10 nëntor 1945, në Liverpool. Ai u regjistrua në Shkollën e Dramës Coventry në Angli me një grant të dhënë nga Autoriteti Arsimor Lokal në vitin 1972.

Davies u shpërblye me 8,500 funte për të drejtuar atë që u bë filmi i tij i parë me metrazh të shkurtër. I publikuar në vitin 1976, “Children” përshkruhet në artikullin e BFI-së se kishte ofruar një vështrim autobiografik në jetën e Davies-it duke u rritur me faj si një djalë i ri homoseksual në shkollën katolike dhe duke u marrë me babanë e tij abuziv e të sëmurë.

Davies kombinoi titujt e tij të hershëm autobiografikë “Madonna and Child” (1980) dhe “Death and Transfiguration” (1983), me “Children”, për të formuar një trilogji. I ndjeri vazhdoi të realizonte filma të suksesshëm si “Distant Voices”, “Still Lives” (1988) dhe adaptimet klasike të romanit, “The House of Mirth” (2000), me aktorë Laura Linney dhe Gillian Anderson gjë që i dha atij një nominim BAFTA.

Regjisori mori çmime të ndryshme gjatë gjithë karrierës së tij. Filmat e tij të fundit që morën vëmendjen ishin “A Quiet Passion” (2016), i cili tregonte historinë e poetes Emily Dickinson. Filmi biografik i Davis Benediction (2021), për poetin homoseksual britanik dhe veteranin e Luftës së Parë Botërore, “Siegfried Sassoon”, u nominua për Çmimin e ‘Filmit të Pavarur Britanik’ në 2021.