Mbrëmjen e djeshme u mbajt premiera e madhe e “Në kuadër të dashurisë”. Ky film aq i shumëpritur nga publiku dhe aq i komentuar përgjatë muajve të fundit u shfaq për herë të parë në Pallatin e Kongreseve. “Në kuadër të dashurisë” përmban një kast të mahnitshëm aktorësh dhe personazhesh shumë të dashur për audiencën e gjerë.

Në një intervistë ekskluzive ishin edhe vajzat simpatike të ekranit Dea Mishel Hoxha dhe Jori Delli të cilat kishin edhe ato rolin e tyre në këtë film. Ato u shprehen me këto fjalë:

Jori: Pjesa finale e filmit është cikli final se kështu si fillon filmi ashtu edhe mbaron, është kapitulli i fundit që mund të japë hapësirë edhe për një film të dytë.

Dea Mishel Hoxha: Jam kënaqur shumë gjatë xhirimeve, ishte një skuadër shumë profesionale. Skenat e mia janë me Oltën, mezi po pres ta shohim sepse nuk e kemi parë. Kam shumë emocione. Unë kam xhiruar në Tiranë. Unë e ndihmoj Oltën në film të kalojë ndarjen.