Seks me drita të fikura?! Studimi tregon se nga sot e tutje duhet të veproni ndryshe…
Me siguri të gjithë kur keni bërë dashuri me partnerin/en tuaj keni fikur dritat e dhomës me qëllimin për të krijuar një atmosferë më romantike. Megjithatë, kjo është pikërisht ajo që nuk duhet të bëni. Sipas një hulumtimi, drita e fortë rrit nivelet e testosteronit dhe mund të trefishojë kënaqësinë. Domethënë, gjithnjë e më shumë meshkujt mbi 40 vjeç vuajnë nga mungesa e dëshirës seksuale.
Rënia e dëshirës seksuale ndryshon në varësi të stinëve dhe shkencëtarët vendosën të kontrollojnë nëse kjo ka të bëjë me ndikimin e dritës përreth, apo mungesën e saj. Një ekip shkencëtarësh italianë nga Universiteti i Sienës ekzaminoi 38 burra që luftonin me mungesën e dëshirës seksuale. Për të testuar teorinë, burrat u ndanë në dy grupe.
Për dy javë, një grup burrash silleshin në një dhomë të ndriçuar çdo mëngjes. Pas kësaj periudhe, u matën niveli i testosteronit dhe u vu re se ai u rrit ndjeshëm në krahasim me një grup tjetër meshkujsh që nuk ishin të ekspozuar ndaj dritës së fortë. Rezultatet e hulumtimit u prezantuan në konferencën vjetore të Kolegjit Evropian të Neuropsikofarmakologjisë (ECNP) në Vjenë. Studimet e fundit kanë zbuluar se kohëzgjatja ideale e një marrëdhënieje seksuale është as më shumë, as më pak se 13 minuta. Megjithatë, mbi të gjitha, është e rëndësishme cilësia e kënaqësisë gjatë kësaj marrëdhënieje.