Toyota ka njoftuar së fundmi se ka bashkëpunuar me kompaninë japoneze të naftës Idemitsu Kosan për të zhvilluar dhe prodhuar bateri të ngurta për makinat elektrike. Ndërsa Toyota më parë kishte bërë publike planet për të prezantuar bateritë në gjendje të ngurtë nga viti 2028, gjigandi japonez i makinave ka përshkruar planet dhe afatet e tij kohore për të arritur prodhimin masiv të teknologjisë së avancuar të baterive.

Bateritë e gjendjes së ngurtë konsiderohen gjerësisht si hapi tjetër i madh për makinat elektrike, me Toyota që parashikoi më parë se ato do të ofrojnë një distancë drejtimi deri në 1,500 kilometra për çdo makinë. Sipas deklaratës së përbashkët, ata kanë krijuar një “task-forcë” të përbërë nga dhjetëra punonjës nga secila kompani, me qëllim që të përgatiten për prodhim masiv në shkallë të plotë.

Idemitsu thotë se ka zhvilluar një mënyrë për të prodhuar në mënyrë të besueshme sulfid litium një material ndërmjetës për elektrolitet e ngurta duke përdorur nënprodukte të krijuara gjatë rafinimit të benzinës. Toyota thotë se planifikon të shesë 3.5 milionë automjete elektrike deri në vitin 2030.

Rikujtojmë, se pas pak më shumë se dy vitesh ne mund të kthehemi sërish në sipërfaqen hënore. NASA dëshiron të vendosë gruan e parë dhe personin e parë me ngjyrë në satelitin e vetëm natyror të Tokës, si pjesë e programit të saj Artemis, i cili do të shohë një bazë hënore të ngritur deri në vitet 2030. Toyota-s vjen me idenë e saj, një Baby Lunar Cruiser.