Aktori i njohur Michael Caine ka shprehur se do të tërhiqet sërish nga aktrimi. Ylli i “Dark Knight” zbuloi në emisionin Today të BBC Radio 4 se ai zyrtarisht do të tërhiqej pas publikimit të filmit të tij të fundit “The Great Escaper”.

Epo unë po tërhiqem tani.

Caine shtoi se shanset e pakësuara për të marrë role të reja për shkak të moshës luajtën një rol në vendimin e tij.

Të vetmet role që mund të marr tani janë burrat 90-vjeçarë ose 85-vjeçarë. Ata nuk marrin rol kryesues. Ju nuk keni burra 90-vjeçar në role kryesore, do të keni djem dhe vajza të reja të pashme. Kështu që mendova të largohem.

Para se të xhironte filmin e tij të fundit të frymëzuar nga ngjarjet e vërteta të një veterani të Luftës së Dytë Botërore, Caine kishte refuzuar tre role të tjera. Fituesi i Oscar foli më parë për largimin nga ekrani i madh në vitin 2021. Në atë kohë, ai pretendoi se filmi “Best Seller” do të ishte i fundit i tij. Canine ka luajtur gjithashtu në filma të mëdhenj të suksesshëm si “Miss Congeniality”, “Interstellar” dhe trilogjia e Batman e Christopher Nolan.