Studim: Burrat evropianë nuk e pëlqejnë suksesin e grave të tyre në punë!

vovalbania October 17, 2023 0 koment 1 Mund të lexoni në minuta.
Studim: Burrat evropianë nuk e pëlqejnë suksesin e grave të tyre në punë!

Sipas një studimi të ri nga Britania e Madhe, burrat e papunë preferojnë po ashtu që partnerja të jetë e papunë. Ky konkluzion u arrit pasi u morën në analizë më shumë se 42 mijë njerëz në 9 vende të kontinentit. E teksa burrat jo të suksesshëm e kanë shumë të vështirë ta shohin partneren të ketë arritje, nuk ndodh e njëjta gjë me këto të fundit.

Më së shumti, kjo situatë vlen për Gjermaninë, Britaninë, Spanjën dhe Irlandën, megjithatë gjasat janë që fenomeni është i përhapur në të gjithë Europën. Bazuar te anketimet e kryera, rezulton se burrat janë më të lumtur kur gruaja nuk punon, njësoj si ata, se sa kur ndodh e kundërta.

“Burrat janë rritur në atë mënyrë që të shihen si ai që mban familjen apo shtëpinë. Ata ndihen shumë të gjykuar në rast se punon partnerja e tyre, ndërkohë që ata janë të papunë. Ata e shohin si një gjë të turpshme”, ka deklaruar Dr.Kowalewska, një lektor i politikave sociale në Universitetin e Bath.

Studiuesit, të cilët botuan gjetjet e tyre në “European Sociological Review”, thanë se “burrat me sa duket i kushtojnë më shumë rëndësi statusit të tyre të punësimit sesa partnerëve të tyre”, duke shtuar se “ata preferojnë që partnerja e tyre të jetë e papunë”.

Biletë:

vovalbania

Redaktori nuk ka dhënë ende asnjë informacion për veten e tij.

Total 50398 ka shpërndarë postimin.
MEDIAT SOCIALE