Shkodranët i kanë rezervuar një pritje madhështore premierës së filmit “Në Kuadër të Dashurisë”, filmit të prodhuar nga TopMedia. Kinema “Millennium” ishte shumë e vogël dhe artdashësit shkodranë pritën në rrugë aktorët dhe protagonistin kryesor Luiz Ejllin.

Më 16 Tetor filmi pati premierën në Shkodër dhe në datë 18 “Në Kuadër të Dashurisë” ‘udhëton’ edhe në Kosovë. Të gjithë qytetarët në Prishtinë, Prizren dhe Gjakovë, nga data 18 Tetor do të mund ta ndjekin filmin në kinematë Cineplexx, Cinestar, Cinemarine, Kino Hyrije Hana. Ndërkohë më poshtë mund të shihni disa pamje nga premiera e mbajtur në qytetin e Shkodrës.