Postimet e komedianit Kevin Brennan për vdekjen e aktorit Matthew Perry kanë shkaktuar zemërim te publiku. Ish-skenaristi i “Saturday Night Live” ka komentuar në mënyrë qesharake lajmin për vdekjen e aktorit të “Friends”. “Po mbytesh në vaskë të nxehtë? HAHAHAHAHAHAH”,-ka shkruar Brennan në një postim në Twitter. Kur dikush komentoi “Pse është qesharake të mbytesh në vaskë?” komediani u përgjigj: “Sepse nuk është shumë e thellë”.

Një artikull i TMZ u publikua duke komentuar postimin e komedianit i cili reagoi duke thënë:

Nuk po bëja shaka. Mendova se ishte qesharake. Por më pëlqen kur të varurit nga droga vdesin. Shpresoj që kjo sëmundje tinëzare të mos ju prekë kurrë.

Ndërkaq, pesë yjet, miqtë e të ndjerit Matthew Perry nga seriali “Friends”, kanë dhënë së fundmi një deklaratë të përbashkët zyrtare në lidhje me vdekjen tragjike të aktorit në moshën 54-vjeçare. Jennifer Aniston, Courteney Cox, Lisa Kudrow, Matt LeBlanc dhe David Schwimmer nënshkruan të gjithë deklaratën, duke u thënë fansave se janë zemërthyer nga lajmi. 

Sipas mediave të huaja, aktori u gjet i vdekur në vaskë në shtëpinë e tij. Roli i parë i Perry-t ishte një pjesë e vogël në dramën “240-Robert” në 1979. Prej aty erdhën pjesë të tjera në shfaqje duke përfshirë “Charles in Charge”, “Silver Spoons” dhe “The Tracey Ullman Show”. Ndërkaq, vetëm disa orë pas vdekjes së aktorit, bashkëprotagonistja e “Friends” Lisa Kudrow u ofrua për të adoptuar qenin e të ndjerit. Ajo tha se do të merrte pjesë në funeralin e tij dhe madje mund të adoptonte qenin e tij, i cili kishte qenë me të për tre vjet.