Delja më e vetmuar e Britanisë është shpëtuar së fundmi nga një breg i largët në malësitë skoceze ku ishte bllokuar për dy vjet. Delja, e quajtur Fiona, ishte skalitur duke jetuar në këmbët e disa shkëmbinjve në Cromarty Firth. Një organizatë bamirëse për mirëqenien e kafshëve kishte thënë më parë se çdo përpjekje për ta shpëtuar atë do të ishte  komplekse. Megjithatë, një grup prej pesë burrash arriti ta çonte atë në një shpat të pjerrët dhe thanë se delja ishte në gjendje të shkëlqyer shëndetësore.

Ata planifikojnë ta qethin para se ta dorëzojnë në një fermë. Misioni i shpëtimit u organizua nga Cammy Wilson, një qethës delesh nga Ayrshire. Duke folur në videon e postuar në Facebook, ai tha:

Ne kemi ardhur këtu me disa pajisje të rënda dhe e kemi ngritur këtë dele nga një shpat tepër i pjerrët. Ajo do të shkojë në një vend shumë të veçantë që shumë prej jush e njihni shumë mirë, ku do të keni mundësi ta shihni pothuajse çdo ditë. Fatmirësisht delja është në gjendje të mirë, përveçse ka nevojë të qethet. Ajo tani do të dërgohet në një shtëpi të specializuar brenda Skocisë për të pushuar dhe rikuperuar. 

Rikujtojmë, se një bari në Greqi u surprizua nga sjellja e deleve të tij, pak momente pasi i nxori për të kullotur. Në fund është konstatuar se tufa e deleve ishte futur në një serë ku ishte kultivuar kanabisi për qëllime medicinale dhe që kishin ngrënë rreth 100 kilogramë të kësaj bime, sipas mediave greke. Ngjarja ka ndodhur në rajonin e Thesalisë.