Ish-oficeri i CIA-s, Brian Jeffrey Raymond, i dyshuar për ngacmim seksual të grave në mbarë botën, është deklaruar fajtor për katër nga 25 akuzat, duke përfshirë sulmin seksual dhe video të materialeve të turpshme. Ai akuzohet se ka droguar dhe abuzuar seksualisht me disa gra ndërsa shërbente jashtë shtetit anembanë botës. Ai kishte rreth 500 video dhe foto të grave të zhveshura pa ndjenja që ai filmoi.

Prokurorët thanë se imazhet datojnë në vitin 2006 dhe përfshijnë pjesën më të madhe të karrierës së Raymond, me viktima në Meksikë, Peru dhe vende të tjera. Ky rast ishte vetëm turpi i fundit për CIA-n. Një praktikante oficere e CIA-s u dënua në gusht për sulm pasi i kishte mbështjellë një shall në qafë një kolegeje dhe u përpoq ta puthte brenda ë selinë e agjencisë në Langley, Va.

CIA i ka dënuar publikisht krimet e Raymond dhe drejtori i CIA-s, William Burns, në maj nisi një seri reformash për të mbështetur viktimat dhe për të disiplinuar më shpejt ata që janë të përfshirë në sjellje të pahijshme. “Siç tregon ky rast, ne jemi të përkushtuar të angazhohemi me zbatimin e ligjit për të siguruar që drejtësia të vihet në vend,”-tha CIA në një deklaratë.

“Përveç kësaj, ne i marrim jashtëzakonisht seriozisht çdo pretendim për sulm seksual ose ngacmim seksual dhe kemi ndërmarrë hapa të rëndësishëm për të siguruar që të mbajmë një mjedis të sigurt, gjithëpërfshirës dhe të respektueshëm për fuqinë tonë punëtore.”

Avokati mbrojtës i Raymond nuk iu përgjigj kërkesave për koment. Prokurorët e përshkruan 47-vjeçarin si një grabitqar seksual me përvojë, i cili mbante një llogari të detajuar të viktimave të mundshme të organizuara sipas emrit, përkatësisë etnike dhe shënimeve mbi karakteristikat e tyre fizike.