Pozicioni i ndarjes së flokëve përcakton pikën ku përqendrohet pjesa më e madhe e vëllimit. Ndryshimi i saj mund të balancojë përmasat e fytyrës, duke transformuar strukturën, tiparet dhe pamjen e çdo gruaje. Këshillat e ekspertëve të flokëve për të ndryshuar shpesh pozicionin e ndarjes nuk kanë të bëjnë vetëm me volumin, stilin apo edhe stilimin e flokëve. Në fakt, është një lëvizje për kujdesin e flokëve që nëse nuk e keni bërë tashmë, duhet ta përfshini menjëherë në rutinën tuaj.

Kjo sepse ndryshimi i vijës ndarëse promovon flokë të shëndetshëm, të trashë dhe me shkëlqim. Prandaj, duke ndryshuar herë pas here pozicionin e ndarjes, qoftë edhe me disa milimetra, mund të korrigjohet humbja e densitetit të flokëve në këtë zonë dhe të mbrohet skalpi ku është i ekspozuar nga inflamacioni.

Sa shpesh duhet të ndryshohet ndarja e flokëve? Idealisht, ju duhet të mbani flokët tuaj të ndarë një herë në javë, veçanërisht gjatë periudhave të ekspozimit më të madh në diell, për të minimizuar efektin e rrezeve UV në lëkurën e kokës. Megjithatë, nëse preferoni të bëni ndryshime më pak të shpeshta, mund ta zhvendosni një herë në 3 muaj ndarjen, nga qendra në anë dhe anasjelltas.

Ndërkaq, rregullimi i flokëve çdo mëngjes është një stres më vete. Shpesh një zgjidhje më e shpejtë që ndoshta të kursen më shumë kohë është pjastrimi i tyre. Kjo sigurisht që është shumë e dëmshëm për shëndetin e flokëve dhe ne do t’ju tregojmë disa metoda natyrale se si mund ti drejtoni ato pa përdorur nxehtësi.

Tërshëra dhe aloe vera janë të njohura për vetitë e tyre ushqyese sidomos kur bëhet fjalë për lëkurën dhe flokët. Merrni 1 gjethe aloe vera dhe 2 lugë tërshërë të bluar. Nxirrni xhelin e aloe verës nga gjethja dhe shtoni tërshërën derisa të krijohet një përzierje e njëtrajtshme. Aplikojeni në flokë, masazhojeni dhe lëreni të veprojë për 20 min. Më pas shpëlajeni me ujë të ftohtë.