Inteligjenca artificiale mund të paralajmërojë se kur një uragan do të godasë tokën shumë më shpejt sesa sistemet tradicionale të parashikimit. Sipas studiuesve, një mjet i ri i Inteligjencës Artificiale nga Google DeepMind parashikoi se ku uragani Lee i shtatorit do të zbriste në Kanada tri ditë përpara metodave ekzistuese. Një parashikim i saktë i motit mund të na paralajmërojë për stuhitë, përmbytjet dhe valët e të nxehtit, duke u dhënë komuniteteve kohë vendimtare për t’u përgatitur. Parashikimet tradicionale të motit marrin sasi të mëdha të fuqisë kompjuterike.

Ato përfshijnë krijimin e vlerësimeve të qindra faktorëve duke përfshirë presionin e ajrit, temperaturën, shpejtësinë e erës dhe lagështinë në nivele të ndryshme të atmosferës anembanë globit. Një mjet i ri i IA i quajtur GraphCast i krijuar nga Google DeepMind tejkalon modelin evropian të parashikimit të motit me rreze të mesme, një nga më të mirat në botë, në më shumë se 90% të këtyre faktorëve. GraphCast prodhon parashikimet e tij në më pak se një minutë, duke përdorur një pjesë të fuqisë llogaritëse të metodave tradicionale të parashikimit, sepse merr një qasje shumë të ndryshme.

Ndërkaq, uragani Lee është rasti i tretë më i shpejtë i intensifikimit kur shpejtësia e erës së një uragani rritet me 35 mph ose më shumë brenda 24 orëve. Më 7 shtator, shpejtësia e erës brenda Lee u dyfishua më shumë, duke e rritur atë nga një stuhi Cat 1 me shpejtësi 80 mph në një stuhi Cat 5 me 165 mph.

Këto lloj kërcimesh shpërthyese në rritje po bëhen më të zakonshme në disa zona. Intensifikimi i shpejtë shfaqet vetëm në një pjesë të vogël të cikloneve tropikale çdo vit. Megjithatë, një studim i botuar së fundmi në ‘Nature’ zbuloi se, brenda 240 miljeve nga vijat bregdetare, stuhitë që intensifikohen me shpejtësi janë tani dukshëm më të zakonshme sesa ishin 40 vjet më parë.