Teleskopi Hapësinor James Webb ka pikasur dy nga galaktikat më të largëta që janë parë ndonjëherë nga syri i njeriut. Bingjie Wang nga Kolegji i Shkencave të Penn State Eberly dhe një anëtar i ekipit JWST UNCOVER ishin ata që i zbuluan dy galaktikat duke përdorur rrezet infra të kuqe. Një lente masive gravitacionale e cila ndodhet rreth 3.5 miliardë vite dritë nga ne dhe e pranishme në formën e grumbullit të galaktikave të njohur si Abell 2744, doli të ishte një ndihmë e madhe për zbulimin.

Graviteti i pamasë i grumbullimit shtrembëron mjaftueshëm strukturën e hapësirë-kohës për të zmadhuar dritën e galaktikave në një distancë të madhe. Bingjie dhe anëtari i JWST UNCOVER përdorën teleskopin hapësinor James Webb për të dalluar galaktikat e zmadhuara nga thjerrëzat kozmike. Ekipi më pas identifikoi dy galaktikat me zhvendosje të lartë të kuqe. Një nga galaktikat, UNCOVER-z13 ka një zhvendosje të kuqe prej 13.079.

Është galaktika e dytë më e largët e njohur. Galaktika tjetër, UNCOVER-z12, ka një zhvendosje të kuqe prej 12.393 dhe është galaktika e katërt më e largët për ne. Wang përshkroi ndryshimin midis galaktikave të zbuluara më parë dhe atyre të zbuluara së fundmi. Ai tha se:

Galaktikat e zbuluara më parë në këto distanca shfaqen si një pikë në imazhet tona. Por një prej fotove tona, e tregon atë të zgjatur, pothuajse si një kikirik dhe tjetri duket si një top me gëzof.

Thuajse një milion milje larg, teleskopi James Webb vijon të shkrepë foto “të së shkuarës së largët”. Që nga transmetimi i të dhënave të tij të para, ai ka bërë zbulime mahnitëse, duke përfshirë një shtëllungë uji që zgjatej në 6000 milje dhe një galaktikë që u formua më shumë se 13 miliardë vjet më parë.

Astronomët kanë përdorur teleskopin hapësinor, James Webb, për të vëzhguar rripin e parë të asteroideve jashtë sistemit tonë diellor dhe zbuluan disa “surpriza kozmike” gjatë rrugës. Observatori hapësinor u fokusua në pluhurin që rrethon Fomalhaut, një yll i ri dhe i ndritshëm që ndodhet 25 vite dritë nga Toka në konstelacionin Piscis Austrinus. Disku me pluhur rreth Fomalhaut u zbulua fillimisht në vitin 1983 me ndihmën e satelitit astronomik me rreze infra të kuqe, të NASA-s.