Fatkeqësisht ka ndërruar jetë në moshën 96-vjeçare Rosalynn Carter, e cila si zonja e parë e SHBA-ve punoi pa u lodhur në emër të reformës së shëndetit mendor. Ajo ndërroi jetë në mënyrë paqësore me familjen e saj pranë në shtëpinë e saj në Plains, Georgia. Bashkëshorti i saj, ish-presidenti Jimmi Carter tha se:

Rosalynn ishte partnerja ime e barabartë në gjithçka që kam arritur ndonjëherë. Ajo më dha udhëzime dhe inkurajim kur kisha nevojë. Për sa kohë që Rosalynn ishte në botë, unë gjithmonë e dija që dikush më donte dhe më mbështeste.

Qendra Carter njoftoi se ish-zonja e parë kishte hyrë në kujdesin mjekësor. Ajo u diagnostikua me demencë në maj. Burri i saj filloi kujdesin në shtëpi në shkurt, pas një qëndrimi të gjatë në spital. Çifti u martua 77 vjet më parë, në vitin 1946.

Carter, pasi shërbeu në Marinën, u bashkua me Demokratët dhe u bë guvernator i Gjeorgjisë në vitin 1971. Pesë vjet më vonë, në 1976, ai u zgjodh president i Shteteve të Bashkuara, duke pasuar Gerald Ford. Carter është ish-presidenti më i vjetër i gjallë në historinë e SHBA. Në vitin 2002 ai u nderua me Çmimin Nobel për Paqen.https://www.topalbaniaradio.com/v7/ish-presidenti-amerikan-jimmy-carter-dhe-gruaja-e-tij-ne-gjendje-te-rende-shendetesore/