Një studim i kohëve të fundit shqyrtoi nëse njerëzit gjykoheshin si më tërheqës kur gënjenin apo kur thoshin të vërtetën. Pjesëmarrësve iu shfaqën video të njerëzve që gënjenin dhe që thoshin të vërtetën dhe u kërkua t’i vlerësonin ata për tërheqjen fizike, ngrohtësinë dhe çiltërsinë. Rezultatet sugjeruan se njerëzit vlerësoheshin më tërheqës kur thoshin të vërtetën sesa kur gënjenin.

Hulumtimi mbi sinjalet joverbale mund të japë disa përgjigje. Në një studim të hershëm të shenjave joverbale të lidhura me vlerësimet e ndershmërisë dhe mashtrimit, është zbuluar se personat e vlerësuar si më të vërtetë kishin një ritëm më të shpejtë të të folurit, fytyra më të animuara dhe shfaqnin më pak sjellje nervore stereotipike si fërkim dhe kruarje të fytyrës. Kur gënjejnë, njerëzit përfshihen në sjellje që u japin të tjerëve një përshtypje negative dhe jo pozitive.

Ata mund të flasin më ngadalë me më shumë shqetësim në të folurit. Ata mund të ndalojnë ndërsa sajojnë një tregim. Hulumtimet kanë treguar se njerëzit janë shumë të dobët për të kuptuar se kur na gënjejnë. E para sepse nee priremi të besojmë më shumë sesa të mos i besojmë asaj që na thonë të tjerët, përdorim shenja të pasakta joverbale kur përpiqemi të zbulojmë mashtrimin dhe gënjeshtari përpiqet shumë të mbulojë çdo shenjë.

Autorët e këtij studimi të ri sugjerojnë se njerëzit mund të jenë më të saktë në zbulimin e gënjeshtrave nëse nuk përqendrohen në vërtetësinë e asaj që u thuhet, por në shenja pozitive të atraktivitetit dhe ngrohtësisë. Rikujtojmë se një studim në Mbretërinë e Bashkuar, ku morën pjesë në studim rreth 2500 britanikë, doli në përfundimin se vetëm 5% e tyre thonë të vërtetën. Edhe pse disa mund të cilësohen si gënjeshtra të bardha, ato përsëri mbeten gënjeshtra dhe që janë të qëllimshme nga ata të cilët i thonë.