Dua Lipa po kalon një vit të jashtëzakonshëm pasi u nominua për dy çmime “Grammy” duke përfshirë këngën e vitit për “Dance The Night”. Thuhet se ylli i muzikës pop po synon të nisë turneun e saj të parë në stadium vitin e ardhshëm. Lipa po kërkon të bëjë një hap nga shfaqjet në arenë pas turneut të saj të suksesshëm “Future Nostalgia 2022”, ku performoi 12 shfaqje në Mbretërinë e Bashkuar. Ekipi i saj thuhet se po përpiqet të planifikojë datat për verën e ardhshme, por ende asgjë nuk është konfirmuar.

“Dua do të jetë kudo në vitin 2024”,-tha një burim për The Sun. Turneu i saj “Future Nostalgia i vitit 2022” pati 12 shfaqje në arenë në Angli, kështu që disa koncerte në stadium janë padyshim të mundshme. “Për momentin nuk ka data të konfirmuara”,-thanë burimet Albumi i dytë në studio “Future Nostalgia” u publikua në mars 2020 dhe fitoi tre çmime “Grammy”, duke përfshirë çmimin “Albumin e Vitit”, në ceremoninë e 2021. Kjo vjen pasi u zbulua se Dua, Madonna dhe Coldplay janë pretendentët kryesorë për të performuar si titullar në “Glastonbury” në 2024.

Një person i brendshëm i festivalit tha:

Është formacioni i ëndrrave, një përzierje e shkëlqyer e muzikës së ndryshme dhe atmosferave të ndryshme. Pastaj, sigurisht, ju keni Madonna në natën finale, e cila do të jetë epike.

Lajmi emocionues vjen pasi Dua së fundmi zbuloi se albumi i saj i ardhshëm ‘personal’ ka të bëjë me takimet dhe zbulimin nëse një dashuri është ‘e vërtetë apo jo’. Aktualisht thuhet se Dua është duke finalizuar albumin e saj të tretë. Dua shpreson të publikojë muzikë të re para fundit të vitit 2023 dhe shefat e kompanisë së saj diskografike po përpiqen të sigurojnë që regjistrimet për LP-në e shumëpritur të jenë të sigurta pasi më parë qarkulloi në internet një këngë për të cilën ajo e kishte punuar me Pharrell Williams. Ndërkaq, bukuroshja ka publikuar pak ditë më parë këngën e saj të re, ‘Houdini’, dhe ka nisur fushatën për ta promovuar, duke përfshirë edhe daljet në emisione radiofonike.