Prodhuesi francez i gomave Michelin deklaroi së fundmi se do të mbyllë tri qendra prodhimi në Gjermani. Sipas mediave të huaja, kjo kompani do të transferonte qendrën e shërbimit të klientit në Poloni. Arsyeja e një vendimi të tillë është për shkak të një mungesë konkurrence të operacioneve gjermane për tregjet evropiane dhe ato të eksportit.

Kështu, kompania do të ndërpresë operimet në vendet e saj në Karlsruhe, Trier dhe Homburg deri në fund të vitit 2025, duke prekur 1,532 vende pune. Grupi aktualisht punëson më shumë se 8,000 njerëz në të gjithë Gjermaninë, Austrinë dhe Zvicrën. Michelin njoftoi gjithashtu 1,400 shkurtime të vendeve të punës në Shtetet e Bashkuara muajin e kaluar. Një qendër tjetër gjermane, në Bamberg, u mbyll në vitin 2019.

Rikujtojmë, se nga tetori i vitit të ardhshëm, gjatë sezonës së dimrit në Gjermani, shoferët nuk do të lejohen më të drejtojnë makinat me gomat që kanë vetëm simbolin M+S. Për një kohë të gjatë, gomat e përshtatshme për kushtet e dimrit mund të njiheshin edhe me emërtimin M+S, që do të thotë “baltë dhe borë”. Edhe pse në pamje të parë duket se këto goma janë të përshtatshme edhe për kushtet e dimrit, gjermanët duket se nuk mendojnë më kështu.