Rozmarina, një erëz aromatike që e përdorim shpesh në kuzhinat tona, fsheh sekretet për të pasur flokë të shëndetshëm dhe me shkëlqim, përveç faktit që shumë e konsiderojnë rozmarinën si një ilaç për shpirtin dhe trupin. Ekzistojnë mënyra të ndryshme se si ky eliksir natyral, i njohur për përfitimet e shumta, mund ta përmirësojë shëndetin dhe pamjen e flokëve tuaj.

Rozmarina është një erëz e përdorur shpesh në recetat e kuzhinës, por dihet më pak se ka përfitime të jashtëzakonshme për shëndetin dhe pamjen e flokëve. Ky eliksir natyral sjell një sërë përfitimesh që mund t’i transformojnë flokët tuaj. Rozmarina stimulon rritjen e flokëve. Fitonutrientët e pranishëm në rozmarinë përmirësojnë qarkullimin e gjakut në lëkurën e kokës, gjë që lejon folikulat e flokëve të thithin më mirë lëndët ushqyese dhe të nxisin rritjen më të shpejtë.

Besohet se përshpejton rritjen e flokëve dhe forcon strukturën e tyre. Por, a është vërtet kështu dhe a duhet të besojmë verbërisht çdo trend që përhapet në rrjetet sociale? Ekspertja e kujdesit të flokëve, Deepa Berar, ka treguar se vaji i rozmarinës përdoret gabimisht.

Po e përdorni gabim. Duhet ta holloni me një vaj bazë siç është vaji i ricinit.

Ekspertët këshillojnë gjithashtu se nuk duhet të aplikoni kurrë vaj rozmarine direkt në lëkurë të kokës.

Do të ishte mirë ta përzieni me ndonjë vaj tjetër. Përveç vajit të ricinit, vaji i kokosit dhe jojoba është një zgjidhje e shkëlqyer ose për ta përzier me shampon. Ju nuk po trajtoni me të vërtetë atë që në fakt po shkakton rënien tuaj të flokëve. Trupit tuaj mund t’i mungojë një nga lëndët ushqyese kryesore për rritjen e flokëve.

Vitaminat thelbësore për rritjen e flokëve janë vitaminat B, D, C, hekuri dhe zinku. Gjithashtu, disa njerëz mund të jenë “të ndjeshëm” ndaj rozmarinës dhe nuk do të kenë shumë përfitime për rritjen e flokëve. Ndërkaq, rozmarina ka aftësinë të kontrollojë zbokthin dhe kruajtjen falë vetive të saj antioksiduese dhe antimikrobike, duke e mbajtur lëkurën e kokës të shëndetshme.