Së fundmi aktorja e njohur Sofia Vergara është ndjerë e kërcënuar nga një person i cili përndiqte atë dhe djalin e saj. Ylli kolumbian Sofia Vergara ka arritur të bëjë një kërkesë për t’u mbrojtur nga ai. I identifikuar si Gregory Brown ai ka marrë një urdhër ndalimi.

Siç raporton “TMZ”, Sofia e akuzon Brownin si një “përndjekës të paqëndrueshëm mendërisht” i cili pretendon se e njeh atë dhe djalin e saj 32-vjeçar Manolo. Urdhëri nënkupton që ndjekësi duhet të qëndrojë të paktën 100 metra larg saj dhe djalit të saj dhe e ndalon Brown të ketë kontakte me Sofia Vergara ose ndonjë anëtar tjetër të familjes së saj.

Në muaj nëntor, Vergara tha se Brown i dërgoi asaj një letër mjaft shqetësuese me postë, duke thënë se “ai do ta shohë dhe dëgjojë shumë shpejt, dashuria ime”.

Duhet të theksohet se Gregory Brown tashmë ishte arrestuar dhe burgosur në fillim të këtij viti për thyerjen, hyrjen dhe vandalizimin e pronës së Sofia Vergara-s, përveç përpjekjeve të shumta për t’iu afruar familjes së yllit.

Përveç kësaj, ai ka një precedent penal që përfshin krime të dhunshme, të cilat e kanë lënë Vergara të frikësuar për sigurinë e saj. Kjo nuk është hera e parë që një personazh i famshëm përballet me një problem të tillë. Në vitin 2020, ajo u ngacmua nga një burrë i identifikuar si Rengifo Randazzo.