Aktorja e njohur Shannen Doherty ka treguar dy nga momentet më të vështira të jetës së saj. Shannen, e cila po lufton kancerin, foli në podcast-in e saj me titull “Let’s Be Clear” dhe tha se pak para se të hynte në operacionin për heqjen e një tumori, zbuloi se i shoqi e kishte tradhtuar. Kurt Isvarienko, me të cilin ishte e martuar për 11 vitet e fundit, kishte pasur një lidhje paralele gjatë martesës së tyre. Ndërkaq, aktorja pohoi se:

Shkova në këtë operacion herët në mëngjes dhe hyra pasi mësova se në thelb martesa ime kishte mbaruar, pasi burri im kishte një lidhje për dy vjet. Unë nuk shkova me atë operacion pavarësisht se më bëri të qartë se donte të ishte atje. Mirëpo një operacion të tillë nuk mund ta bëja sa ishte edhe ai aty. U ndjeva shumë e tradhtuar. Në fund të ditës, u ndjeva bosh nga dikush me të cilin isha për 14 vjet, dikush që e doja me gjithë zemër. Më duhej të kaloja gjithë këtë, duhej të kuptoja nëse do të divorcoheshim apo do të përpiqeshim të arrinim tek e vërteta jonë.

Rikujtojmë, se aktorja bëri kërkesë për divorc disa muaj më parë. Artistja u diagnostikua për herë të parë me kancer gjiri në mars të vitit 2015. Ajo zbuloi në një pjesëmarrje në “Good Morning America” se kishte jetuar privatisht me sëmundjen.

Doherty tha më parë në një intervistë të vitit 2019 me revistën People se beteja e saj e parë me kancerin e gjirit e ndryshoi martesën me Iswarienkon për mirë. “Kanceri na forcoi”, tha ajo në atë kohë. “Kurt dhe unë kemi një vlerësim shumë më të thellë për njëri-tjetrin tani”. Iswarienko është burri i tretë i Doherty. Ylli “Beverly Hills, 90210” ka qenë e martuar më parë me aktorin Ashley Hamilton nga 1993 deri në 1994 dhe Rick Salomon nga 2002 deri në 2003.