Mjekët shpesh theksojnë se një person ka nevojë për rreth tetë orë gjumë çdo ditë. Megjithatë, nëse ju duhet shumë kohë për t’ju marrë gjumi, kjo mund ta shkurtojë kohën e fjetjes dhe të ndikojë në shëndetin tuaj. Sipas ekspertit Brad Raper, është normale të nevojitet pak kohë derisa të bini në gjumë gjatë natës, por kjo mund të japë të dhëna për shëndetin tuaj.

E ashtuquajtura latenca e gjumit është koha që ju duhet për të fjetur. Këtu matet periudha ndërmjet momentit kur një person shkon për të fjetur dhe fillimit të gjumit. Përveç dhënies së njëfarë pasqyre për cilësinë e përgjithshme të gjumit, vonesa mund të ndikojë në sasinë e gjumit që bëni në përgjithësi. Me kalimin e kohës, mungesa e gjumit mund të rris rrezikun e problemeve shëndetësore, si obeziteti, presioni i lartë i gjakut, diabeti, sëmundjet e zemrës dhe depresioni.

Dr.Raper shprehet se zakonisht duhen nga 10 deri në 20 minuta që një i rritur i shëndetshëm të bjerë në gjumë. Nëse ju merr më pak kohë për të fjetur sipas Cleveland Clinic kjo mund të jetë një shenjë se jeni tepër të lodhur. Shkaku më i zakonshëm është mungesa e përgjithshme e gjumit, por mund të jetë gjithashtu një shenjë e disa çrregullimeve, si narkolepsia ose çrregullimi i ritmit cirkadian.

Nga ana tjetër, nëse ju duhen më shumë se 20 minuta për të fjetur, mund të vuani nga pagjumësia, e cila më së shpeshti shkaktohet nga stresi, ankthi ose depresioni dhe në disa raste mund të jetë një çrregullim gjumi i njohur si i sindroma e këmbëve të shqetësuara. Është e rëndësishme të theksohet se medikamente të caktuara mund të zgjasin gjithashtu vonesën e rënies në gjumë, siç janë ilaçet stimuluese dhe antidepresantët jo qetësues.

Jeni shtrirë, sapo jeni bërë gati të flini dhe ndjeni se dikush tjetër është në dhomë. Kjo përvojë mund të jetë thellësisht shqetësuese. Rezulton se ka të ngjarë të përjetoni një halucinacion gjumi ose paralizë gjumi. Halucinacionet e gjumit mund të ndodhin kur jeni gati të flini ose sapo jeni duke u zgjuar. Përvojat, të cilat janë të shkurtra dhe ndodhin ndërsa truri juaj po kalon midis gjumit dhe zgjimit ose anasjelltas, priren të kenë një komponent vizual, si të shohësh një person ose një kafshë në dhomë.