Me siguri ju ka ndodhur që, pasi lavatriçka ka mbaruar larjen, në vend të rrobave aromatike, t’ju presë një erë e pakëndshme që as vetë nuk e dini se si ka ardhur. Nëse po pyesni veten se cili është problemi, klikoni në këtë link për për të mësuar mënyrën e saktë të përdorimit të zbutësit gjatë larjes së rrobave, si dhe rekomandimet për të mos larë materiale të caktuara në rrobalarëse.

Era e zbutësit të rrobave është sigurisht një nga aromat më të mira. Por a e dini se zbutësi i rrobave nuk përdoret vetëm për larjen e rrobave? Në fakt, ju mund ta përdorni atë në të gjitha zonat e shtëpisë tuaj. Faqja e internetit Hellaproperty ka renditur disa truke të shkëlqyera për të mbajtur çdo dhomë të freskët dhe çdo sipërfaqe të pastër, duke përdorur zbutësin e rrobave.

Mbushni shishen me spërkatës me zbutës dhe ujë në raport 1:3 dhe spërkatni perdet dhe tapetat. Përzini një kapak të plotë të zbutësit të rrobave me 4 gota ujë, njomni sfungjerin dhe lëreni të qëndrojë për 30 minuta, më pas lyeni tapetën e murin me të. Tiganët e djegur mund të jenë një punë vërtet e mundimshme. Por në vend që t’i pastroni në mënyrë agresive, provoni ta njomni tiganin me një lugë zbutës të tretur në ujë të ngrohtë. Lëreni tiganin të qëndrojë gjatë natës dhe do ta keni më të lehtë ta lani në mëngjes.

Parandalon depozitimin e pluhurit. Hidhni një ose dy pika zbutës të paholluar në një leckë të butë dhe fshijeni televizorin, ekranin e kompjuterit. Hidhni zbutësin e rrobave dhe ujin në një raport 1:4 në shishen e spërkatjes. Spërkatni një leckë të butë dhe fshini dritaret, kabinën e dushit, pasqyrat dhe më pas fshijini me një leckë të thatë. Zbut ndër të tjera edhe qilimat. Përzini ujin e nxehtë dhe zbutësin e rrobave, spërkateni mbi tapet, lëreni për disa minuta dhe lajeni me një pastrues tapeti.