Luiz Ejlli dhe Kiara Tito kanë folur mbrëmjen e djeshme për planet e tyre të ardhshme në fushën profesionale.

Në premierën e filmit “5 Herë Jo” ata u pyetën nëse do të sjellin edhe ata një film për historinë e tyre të dashurisë.

Kiara tha se kjo nuk është në planet e tyre për momentin. Nga ana tjetër Luizi theksoi se mjaftohen me faktit që përpiqet t’ia bëjë partneres së tij jetën çdo ditë si një film të bukur.

“Unë mundohem me ia bërë jetën si një film të bukur dashurie. Me ia plotësuar të gjitha dëshirat. Mundohem me të gjitha. Dhe për mua mjafton me kaq”, u shpreh Luizi.