Fatkeqësisht ka ndërruar jetë në moshën 75-vjeçare DJ legjendar dhe drejtuesi i SiriusXM, Jim Ladd. Ladd vdiq si pasojë e një ataku në zemër. SiriusXM në një deklaratë në X tha:

Ikona e radios Jim Ladd, i cili për më shumë se 50 vjet mbrojti muzikën rock dhe intervistoi në shumë prej artistëve më të mëdhenj në studiot e tij në Los Angeles dhe në kanalin Deep Tracks të SiriusXM, ndërroi jetë të dielën, më 17 dhjetor.

Pas fillimit të karrierës së tij në radio në vitet 1960, Ladd u bë një figurë me ndikim në industrinë e muzikës, duke marrë një yll në “Hollywood Walk of Fame” në 2005 në shenjë njohjeje për arritjet e tij. I ndjeri gjithashtu njihej si frymëzuesi pas albumit të Tom Petty dhe “Heartbreakers” të vitit 2002, The Last DJ dhe luajti si DJ gjatë gjithë natës në filmin e Cameron Crowe të vitit 1989, “Say Anything…”.

Ladd e filloi karrierën e tij në vitin 1969 në KNAC, një stacion i vogël rock në Long Beach, përpara se të transferohej në KLOS të Los Angeles dhe më pas në KMET, ku ishte i njohur për dëgjuesit e tij si “The Mighty Met”. Përveç muzikës, Ladd publikoi gjithashtu një libër gjysmë-autobiografik të titulluar “Radio Waves: Life And Revolution On The FM Dial” bazuar në karrierën e tij në radio.