Këngëtarja kolumbiane Shakira u transferua në Miami me fëmijët e saj në prill të vitit 2023, pasi u nda nga ish-futbollisti i Barcelonës Gerard Piqué pas 11 vitesh martesë. Autoritetet në Florida, Shtetet e Bashkuara, arrestuan 56-vjeçarin Daniel John Valtier me akuzën se dyshohet se përndjekte Shakira-n, teksa ai erdhi në derën e shtëpisë së saj me qëllim që të hynte brenda. Sipas tij, ai ishte në një lidhje me këngëtaren kolumbiane.

Përndjekësi i supozuar pretendoi dhe përsëriti para një gjyqtari në gjykatë se Shakira ishte gruaja e tij dhe ai fliste me të gjatë gjithë kohës. Gjykatësi kishte vendosur tashmë garancinë me kusht në 50,000 dollarë, por me pohimin dhe këmbënguljen e të pandehurit se ai ishte bashkëshorti i këngëtares, ai e rriti garancinë në 100,000 dollarë. Gjyqtari ka firmosur edhe masën e ndalimit në mënyrë që të mos ketë asnjë lloj kontakti me këngëtaren kolumbiane, përmes askujt apo rrjeteve sociale. Me përjashtim të paraqitjeve të kërkuara nga gjykata.

Sipas raportit të policisë, përndjekësi i supozuar përballet me një akuzë për ngacmim për publikimet në mediat sociale në lidhje me këngëtaren dhe dërgesat e çokollatave dhe shisheve të verës të bëra në shtëpinë e saj midis fundit të dhjetorit dhe fillimit të vitit 2024. Arrestimi u bë pasditen e së hënës, 8 janar, pasi autoritetet vunë re se përndjekësi kishte mbërritur në shtëpinë e këngëtares me një taksi.

Këngëtarja kolumbiane jeton ende atje dhe pse ka denoncuar disa herë raste të njëjta. Përveç kësaj, artistja ka hasur edhe një përndjekës tjetër që i kërkonte të martohej me të, por jo vetëm kaq. Ngacmuesi i dyshuar i bërtiste nga rruga dhe ofendonte edhe gazetarët. Nga ana tjetër, një fanse franceze është shfaqur dhe ka lënë letra në kutinë e saj postare.