0 në 100 km/h për 4.1 sekonda, del në shitje makina e Donald Trump!
Donald Trump ka filuar fushatën e tij për t´u rikthyer në krye të Shteteve të Bashkuara të Amerikës. Së fundmi, ish presidenti amerikan ka qënë mjaft i ashpër në retorikën e tij. Vetëm pak ditë më parë u zotua se do të fitojë “për herë të tretë” duke mos e njohur humbjen e tij si legjitime. Lamborghini Diablo VT Roadster e vitit 1997 e ruajtur në mënyrë të shkëlqyer, e cila i përkiste ish-presidentit të SHBA-së, Donald Trump, do të dalë në ankand.
Falë lidhjeve të veçanta me Lamborghinin, Trump porositi Diablo sipas dëshirës dhe më parë kompania i “huazoi” shembuj të këtij modeli për qëllime promovuese si pjesë e partneritetit. Kjo e lejoi atë të merrte Diablon e tij në Blue Le Mans Blue, i cili nuk ishte zyrtarisht i disponueshëm si model në vitin 1997. Megjithatë, kjo nuk është e vetmja veçori unike, pasi vetura përfshin gjithashtu një pllakë “Donald Trump 1997 Diablo” në derën e shoferit.
Automjeti iu dorëzua ish-presidentit krejt të re dhe ai e mbajti deri në verën e vitit 2002. Pas kësaj, ajo ndërroi dy pronarë të tjerë dhe përshkoi vetëm 24,836 kilometra. Diablo përbëhet nga një motor 5.7-litërsh V12 që prodhon492 kuaj/fuqi dhe shoqërohet me një transmision manual me pesë marshe. Vetura përshpejton nga 0 në 100 km/h për 4.1 sekonda dhe arrin një maksimum prej 325 km/h. Duke parë fotot, makina duket se është në gjendje të shkëlqyer.