Policia australiane ka vënë në pranga dy persona në lidhje me një komplot të dyshuar për të vrarë katër anëtarë të grupit rep OneFour. Personat e vënë në akuzë, Brandon Maseuli dhe Yousef Rima, janë pjesë e një sindikate kriminale ndërkombëtare me origjinë nga Libani. Policia tha se grupi merr kontrata për të kryer krime të dhunshme si vrasje dhe rrëmbime.

Policia tha se Maseuli dhe Rima po përgatiteshin për të vrarë katër muzikantët nga veriperëndimi i Sidneit në emër të një rrjeti tjetër. Objektivat u zbuluan nga mediat të ishin katër anëtarë të grupit të rap OneFour, Jerome “J Emz” Misa, Pio “YP” Misa, Spencer “Spenny” Magalogo dhe Dahcell “Celly” Ramos. Është e paqartë pse anëtari i pestë, Salec “Lekks” Su’a, nuk ishte në shënjestër. OneFour, të cilët janë ndër grupet më të njohura të repit të Australisë, vetë ata kanë pasur disa përplasje me policinë e Australisë. Muzika e tyre shpesh përfshin tema të errëta dhe tekste të dhunshme.