Një firmë teknologjike nga Katari ka krijuar një pajisje të quajtur Swapery e cila thuhet se karikon plotësisht telefonin në vetëm shtatë sekonda. Swapery shpërndan “paketa baterish” të cilat ngjiten në mënyrë magnetike në pjesën e pasme të telefonit dhe lidhen me portën e karikimit në pjesën e poshtme të tij.

Secila nga paketat e baterive peshon afërsisht njësoj sa dy bateri AA dhe janë në përputhje me të gjithë smartfonët. Për të filluar procesi i karikimit, telefoni duhet të vendoset në Swapery i cili automatikisht e zëvendëson baterinë e përdorur me një të karikuar plotësisht. Pajisja e cila kushton rreth 209 euro, pritet të përmbajë rreth pesë paketa bateri, të cilat krijuesit e saj thonë se e bëjnë atë ideale për një familje.

Vendi ku jetoni mund të jetë pjesërisht fajtor për jetëgjatësinë e keqe të baterisë së iPhone. Apple ka zbuluar se si vendndodhja juaj është vetëm një nga shumë mënyrat se si mund të vuajë ngarkimi i iPhone. Nëse keni mbulim të dobët celular, pajisja juaj iOS do të ketë një shkarkim më të madh të baterisë. Sa më shumë të punojë iPhone juaj për të gjetur sinjal të mirë, aq më shumë do të vuajë bateria juaj.

Pra, nëse jetoni, punoni ose kaloni shumë kohë diku ku mbështeteni në një sinjal të keq ose të ndërprerë, kjo mund të ndikojë në jetëgjatësinë e baterisë. Madje mund të kontrolloni nëse keni marrë një paralajmërim zyrtar nga Apple. Nëse shkoni te Settings > Battery, do të mund të shihni se si funksionon bateria juaj dhe mund të shihni mesazhin: “Pa mbulim celular dhe sinjal të ulët”.