Raporti i afërt i Meritonit brenda shtëpisë së “BBV3” nuk është kaluar pa u vënë re edhe jashtë mureve të shtëpisë.

Mbrëmjen e djeshme në emisionin “Big Brother Radio” ishte i ftuar vëllai i Ilnisës, Kevin Agolli i cili na tregoi më shumë detaje në lidhje të motrën.

Nga raporti i ngushtë me vajzën deri tek marrëdhënia e afërt me Meritonin, ai na tregoi shumë rreth gazetares.

“Për mua nuk ka asgjë, brenda kornizave të lojës.”- u shpreh ai për raportin e ngushtë të Ilnisës me Meritonin.

A do lidhej motra e tij në shtëpinë e “Big Brother Vip”?

“E kemi diskutuar para se të hynte dhe më tha jo. Por duke njohur dinamikat, nuk besoj, edhe me rastin e Meritonit. As për lojë nuk do e bënte…”

Ndërsa u pyet se a e shikon në finale Ilnisën, ai u përgjigj kështu:

“Është në një shtëpi me banorë që janë kundërshtarë të saj. Nëse vazhdon kështu, e shikoj në finale.”