Dhëmbët e vendosur nga ish-kryeministri britanik Winston Churchill gjatë fjalimit të tij “Ne do të luftojmë në plazhe” do të shiten në ankand muajin e ardhshëm për nga 5,000 deri në 8,000 paund. Protezat e veshura me ar do të shiten në ankand në Cheltenham më 6 shkurt.

Drejtoresha e shtëpisë së ankandeve Cotswold, Liz Poole, tha se protezat e Churchillit do të jenë ndër artikujt më të pazakontë që shtëpia ka shitur ndonjëherë. Bashkë me protezat do të shitet edhe mikrofoni që Churchill përdori për të shpallur fundin e Luftës së Dytë Botërore. Winston Churchill ndërroi jetë më 24 janar 1965.

Rikujtojmë, se zyra e ish-udhëheqësit të Britanisë, ku merreshin vendimet gjatë Luftës së Dytë Botërore, është kthyer në një hotel. Brenda pak ditësh godina historike do të mirëpresë klientët e parë të hotelit ultraluksoz “Raffles London at The OWO”. Hoteli ka 120 dhoma dhe suita, një sallë me 600 persona dhe Spa-n e parë Guerlain në Londër. Dhomat e saj luksoze kushtojnë 1100 paund për një natë. 6 vjet më parë, kur arkitekti britanik hyri për herë të parë në mjediset e Zyrës së Luftës së Vjetër i gjeti ato në një gjendje të mjerueshme.