Një 12-vjeçar nga Devon i Britanisë, Rory Bidwell, thuhet se shënoi rezultatin më të lartë në një test inteligjence dhe kështu iu bashkua organizatës ‘Mensa’. Sipas Sky News, Bidwell thuhet se ia kaloi Albert Einstein dhe Stephen Hawking duke arritur rezultatin më të lartë prej 162 pikësh në “testin Cattell III-B”, pavarësisht se nuk dinte asgjë për testin dhe nuk ishte përgatitur për të paraprakisht.

Ai kaloi një test dyorësh të IQ-së dy javë pas ditëlindjes së tij të 12-të dhe thuhet se u ftua disa ditë më vonë për t’iu bashkuar Mensa-s, e cila mbledh njerëz me IQ jashtëzakonisht të lartë. Rory tregoi shenja të hershme inteligjence që në moshën 2-vjeçare, kur bashkoi enigmat prej 100 pjesësh pa ndihmën e prindërve të tij.