Një burrë i quajtur David Crowe, 33-vjeç është arrestuar dhe akuzuar për ngacmimin dhe ndjekjen e këngëtares Taylor Swift pranë shtëpisë së saj në Nju Jork. Incidenti vjen disa ditë pasi shtëpia e këngëtares amerikane dyshohej se ishte në shënjestër të hajdutëve ndërsa ajo ishte larguar duke mbështetur partnerin e saj, lojtarin e NFL, Travis Kelce, në ndeshjen e ekipit të tij City Chiefs kundër Buffalo Bills.

Fansat shpesh përpiqen të hyjnë në shtëpitë e Taylor Swift në Nju Jork, Kaliforni dhe Rhode Island, sipas BBC, duke shtuar se një burrë u arrestua në vitin 2022 pasi u përpoq në mënyrë të dehur të hynte në banesën e saj në Nju Jork dhe një tjetër u dënua me gjashtë muaj burg pasi hyri në shtëpinë e këngëtares, ku policia e gjeti atë duke fjetur në shtratin e saj.

Ndërkaq, industria e muzikës arriti një rekord të ri vjetor për numrin e transmetimeve, në vitin 2023 kishte më shumë se katër trilionë dhe në krahasim me vitin 2022, numri i transmetimeve në mbarë botën u rrit me 34%. Këtë e tregon një raport i publikuar nga kompania analitike Laminate. Rritja e numrit të shërbimeve ‘streaming’ është një reflektim i karakterit gjithnjë e më ndërkombëtar të tregut muzikor. Hitet e megayllit amerikan të popit Taylor Swift, personi i vitit i zgjedhur nga revista Time, përbëjnë 1.79% të tregut amerikan, sipas raportit të Laminate.