Një grua është akuzuar për trafikim të kafshëve të egra pasi policia kolumbiane gjeti 130 bretkosa helmuese në valixhen e saj në aeroportin e Bogotas. Kafshët u gjetën në kuti të vogla dhe ishin të dehidratuara dhe të stresuara. Braziliania e cila ishte nisur për në Sao Paulo nëpërmjet Panamasë, tha se bretkosat i ishin dhënë si dhuratë nga një komunitet lokal në jug të Kolumbisë.

Policia lokale tha se amfibët mund të arrijnë deri në 1,000 dollarë për copë. Sekretarja e Mjedisit në Bogota, Adriana Soto tha se gjoba për posedimin e një bretkose të tillë mund të arrijë në 14,300 dollarë. Bretkosat “Harlequin” të njohura gjithashtu si bretkosat me shigjetë helmuese (Oophaga histrionica), janë më të vogla se gishti i madh i njeriut. Gjëndrat e tyre të lëkurës prodhojnë një helm shumë toksik, i cili në të kaluarën është përdorur nga njerëzit indigjenë për të veshur majat e shigjetave që përdornin për gjueti. Helmi i tyre është mjaft i fortë për të vrarë kafshë të vogla.

Shkencëtarët kanë zbuluar se bretkosat femra ndonjëherë falsifikojnë ngordhjen e tyre për të shmangur vëmendjen e meshkujve. Ata studiuan bretkosat e zakonshme evropiane dhe zbuluan se femrat përdorin një sërë metodash, duke përfshirë vokalizime speciale, rrotullime dhe madje shtirje të vdekjes për të larguar meshkujt e padëshiruar. Pothuajse një e treta e femrave që morën pjesë në hulumtim shtriheshin pa lëvizur në shpinë për të shmangur çiftëzimin e padëshiruar me mashkullin.