Së fundmi, reperi i njohur amerikan Killer Mike, u arrestua vetëm pak pasi fitoi tre çmime Grammy. Zëdhënësi i policisë së Los Anxhelosit tha për Associated Press se ndalimi ishte në lidhje me një grindje brenda arenës ku u mbajt ceremonia. 48-vjeçari, u pa me pranga dhe i shoqëruar nga oficerët. Ai u lirua më vonë dhe do të dalë në gjykatë në fund të këtij muaji.

Ndërkaq, pas lajmit të bujshëm ka ardhur edhe reagimi nga vetë reperi i cili u shpreh për PEOPLE se:

Siç mund ta imagjinoni, kishte shumë gjëra dhe kishte një konfuzion rreth asaj dere se në cilën derë duhet të hynim unë dhe ekipi im. Ne u hasëm me një roje sigurie i cili ishte gati të grindej, por ekipi im dhe unë kemi besimin më të madh se do të lirohemi nga akuzat. Deri në atë kohë, vazhdoni të dëgjoni Michael dhe vazhdoni të ndiqni ëndrrat tuaja. Unë e vlerësoj shumë shqetësimin dhe mbështetjen tuaj por jam mirë.

Rikujtojmë, se pas rekordeve të 2023-shit, Taylor Swift u bë artistja e parë në historinë 66-vjeçare të çmimeve Grammy që fiton katër herë për albumin më të mirë të vitit. Me Midnights, ylli i popit ia kaloi Stevie Wonder-it, Paul Simon-it dhe Frank Sinatra me nga tre trofe në këtë kategori. Më parë, Swift ka fituar për “Fearless”, “1989” dhe “Folklore”. Çmimi për këngën më të mirë shkoi për Billie Eilish me “What Was I Made For?” ndërsa për “Regjistrimin më të mirë të vitit” u vlerësua Miley Cyrus me “Flowers”.