Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.

Kujtojmë, se një zarf i zi mbërriti ditën e sotme në shtëpi. Gjatë prime-t u treguan disa nga thyerjet e rregullave si ofendimet, prekjet fizike dhe keqpërdorimi i emrit të “Vëllait të Madh”.

Në zarfin e zi, thuhej se Juli, Egla, Sara dhe Gazi do të shkojnë në nominim me njërin prej tyre që do të lërë shtëpinë mbrëmjen e së martës.