Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.

Mbrëmja e sotme në Big Brother Vip ishte një ndër mbrëmjet me të zjarrta me situatat që kanë ndodhur brenda asaj shtëpie që janë bërë edhe kryefjala e bisedave në jetën e përditshme. Sa i përket nominimit të kësaj jave Erjola u eliminua nga gara pas televotimit, me banoren që rikthehet dhe njëherë pasi fati ishte me të në biletën e “Lori Caffe”. Ajo rikthehet dhe njëherë në shtëpi, duke u bërë banorja e dytë që e bën këtë gjë pas Sara Gjordenit. “Më vjen inat sepse Ilnisa më tha se sot fillon lufta”, ishin fjalët e Erjolës përpara se të rikthehej në shtëpi nga studio.