Arkeologët në Turqi thonë se kanë zbuluar bukën më të vjetër të njohur në botë, që daton në vitin 6600 para Krishtit. Një strukturë furre e shkatërruar u gjet në një zonë të quajtur “Mekan 66”. Rreth furrës, arkeologët gjetën grurë, elb, fara bizele dhe një mbetje të rrumbullakët, “sfungjere”. Analizat përcaktuan se mbetja organike ishte bukë 8600-vjeçare, e papjekur dhe e fermentuar.

“Mund të themi se ky zbulim në Çatalhöyük është buka më e vjetër në botë,”=tha arkeologu Ali Umut Türkcan, kreu i Delegacionit të Gërmimeve dhe një profesor i asociuar në Universitetin Anadolu në Turqi.

Është një version më i vogël i një buke. Ka gisht të shtypur në qendër, nuk është pjekur, por është fermentuar dhe ka mbijetuar deri në ditët e sotme me niseshtenë brenda. Nuk ka asnjë shembull të ngjashëm të diçkaje të tillë deri më sot.

Lënda organike si druri ashtu edhe buka u ruajt nga balta e hollë që mbulonte strukturën. Çatalhöyük, i cili është një vend i Trashëgimisë Botërore të UNESCO-s, ishte shtëpia e afërsisht 8,000 njerëzve gjatë periudhës së neolitit, midis 10,000 para Krishtit deri në 2,000 pes, dhe është një nga vendet e para të urbanizimit në botë.