Si duket sot vogëlushja më e bukur në SHBA…
Aira Marie Brown ishte vetëm 2-vjeçe kur u shpall vajza më e bukur në SHBA, pasi mori pjesë në një konkurs “Miss për fëmijë”. Vitet kaluan dhe vogëlushja u shndërrua në një vajzë të re të bukur. Aira Marie u krahasua në fëmijëri me një kukull, për lëkurën e saj prej porcelani, flokët biondë dhe sytë e mëdhenj blu.
Ajo aktualisht është 16 vjeçe dhe vazhdon të jetë modele. Krahas këtij aktiviteti, tashmë bukuroshja ka debutuar edhe në kinematografi, duke interpretuar në katër filma. Ndërkohë që disa vajza të brezit të saj, të cilat morën pjesë në sfilata bukurie, hoqën dorë nga karriera e modelingut, Aira Marie Brown vazhdon të luftojë për kurorën e Miss. Së fundmi ajo sfiloi në konkursin ‘Miss Silver Fox’ me një fustan rozë, të stilit Barbie.