Pavarësisht dëshirës sonë të madhe për t’i parë bashkë, duket se ka një ngërç që nuk po shkrihet mes Dua Lipës dhe Rita Orës.

Dy yjet shqiptare me famë botërore kanë marrë pjesë në ‘Met Gala’, por nuk janë shfaqur në asnjë moment krah njëra-tjetrës. Duket se ato janë shmangur edhe këtë here duke treguar se gjërat janë njësoj. Ose ndoshta nuk kanë pasur realisht mundësi të takohen, një skenar më pak i besueshëm ky.

Gjithsesi, nuk përjashtohet mundësia që ato mund të jenë përshëndetur, por deri tani, nuk ka asnjë foto a moment të tyre bashkë.

Dua u shfaq me një fustan vintage Marc Jacobs tërësisht të zi. Fustani ishte i tejdukshëm dantelle mbi një korse të bardhë, me detaje me lule. Look-u i saj përmbante një pelerinë me pupla të zeza, grim sysh të nxirë, doreza me dantella të zeza me pika dhe bizhuteri argjendi nga Tiffany & Co.

Kurse Rita nga ana tjetër, zgjodhi një fustan me një sixhade të vërtetë artizanale që përfshin një periudhë prej dy mijëvjeçarësh nga Egjipti në Romë. Ai përbëhet nga rruaza qelqi antike nga e gjithë bota, duke nxjerrë në pah një nga objektet e punuara më të lashta të njerëzimit dhe të kombinuara së bashku me rruaza qelqi antike të punuar me dorë nga Murano, duke filluar nga vitet 40 deri në vitet 70. Është ndërtuar sikur të gjitha rruazat vertikale të jenë thurur së bashku për të bërë një lojë të ndërlikuar të modelit midis ngjyrës dhe strukturës.