Presidenti amerikan, Joe Biden njoftoi zhbllokimin e 15 milion fuçive me naftë nga rezervat strategjike të Shteteve të Bashkuara, për të luftuar rritjen e çmimit të benzinës të shkaktuar nga lufta e Putinit në Ukrainë. Lajmi u bë i ditur nga Shtëpia e Bardhë:

Me këto 15 milion fuçi do të përfundojë tërheqja historike prej 180 milion fuçish e paralajmëruar nga Presidenti Biden në pranverë. Administrata synon të blejë naftë bruto për rezervat strategjike kur çmimet të jenë rreth 67-72 dollarë për fuçi ose më poshtë.

Po ashtu, presidenti amerikan synon të bëjë presion ndaj kompanive të energjisë që të ulin menjëherë çmimet e konsumit pasi fitimet e realizuara nga çdo gallon benzinë ​​këtë vit janë rreth dyfishi i normales.

Ndërkohë, Komisioni Europian ka propozuar një paketë të fortë ligjore për të trajtuar krizën energjetike. Presidentja Ursula von der Leyen:

Paketa që ne propozojmë është:

Bashkimi i blerjeve (blerje të përbashkët të gazit në nivel të BE-së)

Kursimi i energjisë

Ndarja e gazit dhe solidariteti në të gjithë BE-në

Mekanizmat e përcaktimit të çmimeve për të adresuar problematikat.

Komisioni Europian  propozoi një kufi emergjent të çmimit të gazit si pjesë e një pakete për të trajtuar kostot e larta të energjisë, sipas një projekt-propozimi. Në rast të çmimeve ekstreme të gazit natyror komisioni do të lejohet të paraqesë një çmim dinamik maksimal për gazin e tregtuar në qendrën e tregtimit me shumicë TTF, sipas dokumentit. Më pas, shtetet anëtare do të duhet të miratojnë masën.

Indeksi i (TTF) Gas Futures, një kompani që shërben për tregtimin virtual të gazit natyror, në Holandë, dhe një pikë referimi për transportin e gazit në të gjithë bllokun ka qenë i luhatshëm, që kur vendet e BE-së filluan të riorganizojnë furnizimet e tyre me gaz në kuadër të reduktimit të dërgesave ruse.

Jetojmë në kohë pasigurie të madhe ekonomike. Dhe unë jam e shqetësuar për konkurrencën e ekonomisë sonë. Të gjitha veprimet tona duhet ta marrin parasysh këtë.