Prej kohësh flitej se Fjolla Morina dhe Fisnik Syla i kanë dhënë fund martesës së tyre por megjithëse kaluan muaj dyshja nuk kanë folur dhe konfirmuar thashethemet.

Dhe së fundmi ka qenë biznesmeni nga Gjilani që ka treguar se momentalisht është beqar, që do të thotë se është ndarë përfundimisht nga 33-vjeçarja.

“Pas shumë pyetjeve dhe interesimit të juaj, do të ju përgjigjem: Beqar dhe i lirë si zogu dhe më i lumtur se kurrë. Uroj që secili të merrë nga jeta atë që e meriton”, ka thënë ai.

Të njëjtit javë më parë u përfshinë në një skandal mediatik, ndërsa u akuzuan nga një agjenci turistike për një pushim, që nuk kanë përmbushur detyrimet e tyre financiare.

Artistja ndërkohë u distancua nga kjo ngjarje dhe tha se nuk ishte dijeni për atë që kishte ndodhur mes pronarit të agjencionit dhe Fisnik Sylës.